Eron prezidenti bilan bog‘liq aviahalokatning yangi tafsilotlari ochiqlandi
Eron Qurolli Kuchlari Bosh shtabi ikkinchi hisobotini eʼlon qildi.
Unga ko‘ra, bortida Eron prezidenti Ibrohim Raisiy va boshqa amaldorlar bo‘lgan vertolyotning qo‘poruvchilik natijasida halokatga uchragani haqidagi versiya inkor etildi.
"Vertolyotning qismlarini tekshirish natijalariga ko‘ra, ular orasidagi masofa va ularning tarqalish usuliga ko‘ra, parvoz paytida yoki boshqa bir paytda biror turdagi qo‘poruvchilik harakatlari natijasida sodir bo‘lgan portlash ro‘y bergani istisno qilindi. Vertolyot tog‘ yonbag‘riga to‘qnashuv natijasida halokatga uchragan", — deya bayonot matnidan iqtibos keltiradi Eronning IRIB telekanali.
