"Manchester Yunayted" "Sevilya"ning asosiy yulduzini sotib olmoqchi
Futbolchiga 15-20 million yevrolik taklif tayyorlashmoqda.
Jurnalist Rudi Galettining xabar berishicha, "Manchester Yunayted" "Sevilya" hujumchisi Yusuf En-Nesirining transferi borasida taklif bilan chiqishga tayyor.
27 yoshli marokashlik uchun ehtimoliy taklif 15-20 million yevro atrofida bo'ladi, futbolchining o'zi allaqachon bunday transferga rozi bo'lgan. 2023/2024-yilgi mavsumda hujumchi ispan klubi safida 41 ta o'yinda maydonga tushib, 20 ta gol urdi va 3 ta golli uzatmani amalga oshirdi.
Futbolchining klub bilan shartnomasi 2025-yilning yoziga qadar mo'ljallangan. Transfermarkt portalida berilgan ma'lumotlarga ko'ra, hujumchining bozor qiymati 18 million yevroni tashkil qiladi.
