Toshkentda avtobus haydovchisi yo‘lovchi bilan janjallashdi
Holat yuzasidan rasmiy munosabat bildirildi.
Ijtimoiy tarmoqda Toshkentda avtobus haydovchisi va yo‘lovchi o‘rtasida janjal yuzaga kelgani aytilgan xabarlar tarqaldi.
Unda yozilishisha, avtobus haydovchisi yo‘lovchi bilan yo‘lkira masalasida tortishib ketgan. Yo‘lovchi yo‘l haqini kartadan to‘lganini aytgan, haydovchi esa naqd pul berishni so‘ragan.
Holat yuzasidan rasmiy munosabat bildirildi. Qayd etilishicha, 114-yo‘nalishda harakatlanuvchi avtobus haydovchisi va yo‘lovchi o‘rtasida yuzaga kelgan holat masʼul xodimlari tomonidan nazoratga olingan.
“Toshshahartransxizmat” AJ masʼullariga mazkur holatni batafsil o‘rganish, haydovchi aybdor deb topilgan taqdirda nisbatan tegishli choralar ko‘rish va jamoatchilikka axborot berish yuzasidan ko‘rsatma berilgan.
