KXDR Janubiy Koreyaga yana axlat sharlari uchirdi
Ular ichidan yirtiq kiyimlar topilgan.
KXDR Janubiy Koreyani yana axlat sharlari bilan “bombardimon qilishni” boshladi. Bu haqida Seul harbiy departamenti xabar berdi.
Qayd etilishicha, 28-maydan beri Shimoliy Koreya 1600 dan ortiq axlat sharlarini uchirgan. Bu o‘tgan oy oxiridan beri uchirilgan sharlarning beshinchi partiyasi hisoblanadi. Ular Seulni o‘rab turgan shimoliy Geonggi provinsiyasidan janubi-sharqqa yo‘naltirilgan.
Sharlar ichidan qaychi yoki pichoq bilan kesilgan galstuk va ko‘k kurtka kabi yirtilgan kiyim bo‘laklari topilgan. Bu buyumlar avvalroq Janubiy Koreya kompaniyasi tomonidan Shimoliy Koreyaga taqdim etilgan buyumlar ekanligi aniqlangan.
Aholiga qulagan sharlarga teginmaslik, bu bo‘yicha harbiy yoki politsiyaga xabar berish tavsiya qilindi.
