16 davlat maqomchilarini jamlagan festival yakunlandi

II Xalqaro maqom sanʼati anjumani doirasida 28-29 iyun kunlari Jizzax viloyatining Zomin tumanida Xalqaro tanlov o‘tkazildi. Unda jahonning 16 ta davlatlaridan 95 nafar maqom ijrochilari ishtirok etdi.

 

Xalqaro tanlov ishtirokchilarini xalqaro hayʼat aʼzolari — Tojikiston Respublikasidan Abduvali Abdurashidov, Ozarbayjon Respublikasidan Kerimi Siyavush Ashraf og‘lu, Misr arab Resoublikasidan Ashraf Abdelrahman, AQSHdan Mohsen Mohammadi, Hindistondan Ali Fateh, Turkiyadan Feyzioglu Nesrin va O‘zbekistondan Isroiljon Vahobov baholab bordi.

 

Xalqaro hayʼat tomonidan ko‘rik-tanlov ishtirokchilarining chiqishlari uchta nominatsiya bo‘yicha — “Eng yaxshi maqom ansambli”, “Eng yaxshi yakkaxon cholg‘u ijrochisi” “Eng yaxshi yakkaxon xonanda” bo‘yicha baholandi.

 

O‘tkaziladigan ko‘rik-tanlov natijalariga ko'ra, quyidagilar g'olib deb topildi va tashkiliy qo‘mita tomonidan diplom, statuyetka hamda pul mukofotlari bilan taqdirlandi:

 

GRAN-PRI — Eron “Fors” ansambli solisti

• Ali Asg‘ar Arabshohiy

 

1-o‘rin (ansambl jamoasi) — O‘zbekiston

• O‘zbek milliy maqom san’ati markazi Yunus Rajabiy nomidagi maqom xonandalari ansambli

1-o‘rin (yakkaxon ijrochi) — Tojikiston

• Tojikiston milliy konservatoriyasi guruhi solisti Xurshid Iroximzoda

 

2-o‘rin (ansambl jamoasi) — O‘zbekiston

• Maqom markazi Jizzax viloyati hududiy bo‘limi maqom ansambli

2-o‘rin (yakkaxon ijrochi) — Turkiya

• Chidem Gurdal

 

3-o‘rin (ansambl jamoasi) — Xitoy

• “Shinjon” badiiy teatri
• “Maqom” badiiy truppasi

3-o‘rin (yakkaxon ijrochi) — Hindiston

• Ali Amjad Xon

 

Shuningdek, anjuman doirasida faol ijrochilarni qo‘llab–quvvatlash  va rag‘batlantirish maqsadida taʼsis etilgan “Eng yaxshi maqom xonandasi”, “Eng yaxshi maqom sozandasi”, “Eng yaxshi maqom ustozi”, “Eng yaxshi maqom targ‘ibotchisi”, “Eng yaxshi yosh maqomchi”, “Eng yaxshi maqom bastakori” kabi nominatsiyalar bo‘yicha ishtirokchilar O‘zbekiston Respublikasi Madaniyat vazirligi hamda Jizzax viloyati hokimligining rag‘batlantiruvchi sovg‘a va mukofotlar bilan taqdirlandi.

 

G‘oliblarni O‘zbekiston Respublikasi madaniyat vaziri Ozodbek Nazarbekov hamda Jizzax viloyati hokimi Ergash Saliyevlar taqdirlashdi.

 

Shu bilan birga, anjumanning har bir ishtirokchisiga “Xalqaro maqom sanʼati anjumani ishtirokchisi” sertifikati taqdim etildi.