Indoneziyada ulkan piton ayolni yutib yubordi
Bu bir oyda kuzatilayotgan ikkinchi holat.
Indoneziyaning Janubiy Sulavesi provinsiyasida ulkan piton 36 yoshli ayolni butunlay yutib yubordi. Bu bir oy ichida kuzatilgan ikkinchi holat hisoblanadi.
Siteba ismli ayol 2 iyul kuni erta tongda kasal bolasiga dori-darmon sotib olish uchun uydan chiqib ketgan. U uzoq vaqt qaytib kelmagach, oila aʼzolari qidiruvga kirishgan. Ayolning turmush o‘rtog‘i Adiansa uyidan 500 metr narida xotinining poyabzali va kiyimini topib olgan.
Odamlar ayolning kiyimlaridan 10 metr narida ulkan pitonga duch kelishgan. Ilonning shishgan qorni ularda shubha uyg‘otgan. Shundan so‘ng pitonning qorni yorilgach, ichidan ayolning jasadi chiqqan.
Eslatib o‘tamiz, iyun oyida Farida ismli ayol ham piton hujumi qurboni bo‘lgandi.
