Alisher Qodirov o‘lim jazosini tiklashni taklif qildi
U 3 yoshli bolani o‘ldirgan erkak yashamasligi keraklini aytdi.
Deputat o‘zining telegram kanalida Toshkent shahrida 3 yoshli bolaning vahshiylarcha o‘ldirilishiga munosabat bildirib, bunday jinoyatga qo‘l urganlarga nisbatan o‘lim jazosini tiklash kerakligiga ishora qildi.
“Jinoyatning hammasi ham jinoyat, lekin murg‘ak bolaga vahshiylik qilgan inson yashamasligi kerak. Bundaylardan jamiyatni tozalash kerak!”, deb yozgan u.
Shuningdek, deputat hayvonlashib ketgan jinoyatchini qamoqxonada soliqlar hisobidan sog‘lig‘ini saqlab, qornini to‘ydirib, boshqa inson bo‘lib qolishini kutish mantiqsiz ekanini aytadi.
“Bunday mahluqlar nafaqat bugun, balki kelajakdagi pro-mahluqlarga namuna ustoz bo‘lib xizmat qilishini unutmaslik kerak”, deydi Qodirov.
