Uch kishining o‘limiga sababchi bo‘lgan o‘zbekistonlik yigit qamaldi
U giyohvand moddalar sotgan.
Astraxan shahrida giyohvand moddalar sotgan o‘zbekistonlik qattiq rejimli qamoqxonada 20 yilga hukm qilindi. Ma’lumotlarga ko‘ra, mahkum giyohvand moddalarni keyinchalik sotish niyatida internet orqali sotib olgan. Tintuv chog‘ida uning uyidan 300 gramm og‘irlikdagi giyohvandlik moddasi topilgan.
2023-yilning noyabr oyida Astraxan kasalxonalariga 14 kishi og‘ir dori vositalaridan zaharlanish belgilari bilan yotqizilgan. Oqibatda 19 va 29 yoshli 3 nafar jabrlanuvchi halok bo‘lgan. Bir kishining sog‘lig‘iga jiddiy zarar yetgan.
Ta’kidlanishicha, u quyidagi jinoyatlarni sodir etgan:
-
Giyohvandlik vositalarini uyushgan guruh tomonidan katta miqdorda noqonuniy sotish (Rossiya Federatsiyasi Jinoyat kodeksining 228.1-moddasi 4-qismi)
-
Ehtiyotsizlik oqibatida ikki yoki undan ortiq shaxsning o‘limiga sabab bo‘lish (Rossiya Federatsiyasi Jinoyat kodeksining 109-moddasi 3-qismi)
-
Ehtiyotsizlik tufayli badanga og‘ir shikast etkazish (Rossiya Federatsiyasi Jinoyat kodeksining 118-moddasi 1-qismi)
Guruhning boshqa a’zolariga nisbatan ish alohida prosesslarga bo‘lingan va ular bo‘yicha tergov davom etmoqda.
