Farruh Zokirov Ozarbayjon xalq artisti bo‘ldi
Bu bo‘yicha Ilhom Aliyevning farmoni qabul qilindi.
O‘zbekiston xalq artisti Farruh Zokirovga Ozarbayjon Respublikasi Prezidenti Ilhom Aliyevning farmoni bilan “Xalq artisti” faxriy unvoni berildi. Bu haqida Madaniyat vazirligi xabar bermoqda.
Qayd etilishicha, Ozarbayjon Respublikasi bilan O‘zbekiston Respublikasi o‘rtasidagi madaniy aloqalarni rivojlantirishdagi xizmatlari uchun Farruh Zokirovga “Xalq artisti” faxriy unvoni berilgan.
Maʼlumot uchun, 78 yoshli Farruh Zokirov bir vaqtning o‘zida 7 ta – O‘zbekiston, Qoraqalpog‘iston, Qozog‘iston, Qirg‘iziston, Tojikiston, Ingushetiya, Tatariston va Boshqirdistonning xalq artisti hisoblanadi.
