Qibraydagi xonadonda mayning ferma aniqlandi
Oqibatda davlat va jamiyat manfaatiga 1,2 mlrd zarar yetkazilgan.
Toshkent viloyatining Qibray tumanida mayning ferma tashkil etgan xonadonlar aniqlandi. Bu haqda Iqtisodiy jinoyatlarga qarshi kurashish departamenti xabar berdi.
O‘tkazilgan tezkor tadbirda “Guliston” MFY hududidagi xonadonda yashovchi Q.T. o‘z uyida 8 ta to‘plamdagi mayning qurilmalarini tijorat maqsadida umumiy foydalanishdagi elektr tarmog‘iga ulab, qonunga xilof ravishda mayning faoliyati bilan shug‘ullanib kelgan. Oqibatda davlat va jamiyat manfaatlariga 1,2 mlrd so‘m zarar yetkazilgan.
Shuningdek, Yuqori Chirchiq tumanida o‘tkazilgan tezkor tadbirda fuqaro J.Sh. “Sultonravot” MFY hududidagi turar-joy binosida “ArtMiner S9” rusumli mayning qurilmasiini o‘rnatib, qonunga xilof ravishda mayning faoliyati bilan shug‘ullanib kelgan. Oqibatda davlat va jamiyat manfaatlariga 50,7 mln so‘m zarar yetkazgan.
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
