BBC: Isroil G‘azo sektoridagi gumanitar zonada operatsiya o‘tkazishga tayyorlanmoqda
SAXAL bu hududda HAMASning qurolli bo‘linmalari joylashganini daʼvo qilmoqda.
Isroil qo‘mondonligi harbiy operatsiya oldidan G‘azo sektori janubidagi gumanitar hududning bir qismidan tinch aholini vaqtincha evakuatsiya qilishni buyurdi.
G‘azoning Hamas nazoratidagi sog‘liqni saqlash vazirligi maʼlumotlariga ko‘ra, Isroil so‘nggi ikki hafta ichida bu hududda bir necha bor havo hujumlarini amalga oshirgan, natijada jami 90 nafar falastinlik tinch aholi halok bo‘lgan.
Isroilning bildirishicha, zarbalar HAMASning qurolli qanoti qismlarini nishonga olgan. Aftidan, SAXAL hududdagi operatsiyaning quruqlik bosqichiga o‘tishga tayyor va tinch aholidan hududni zudlik bilan tark etishni so‘ramoqda.
