Parijdagi Olimpiada janjal bilan boshlanmoqda
Sportchilar turli muammolarga duch kelishyapti.
Parijdagi Olimpiya o'yinlari hali rasman ochilgani yo'q. Biroq, shunga qaramay allaqachon tashkililiy ishlar bilan bog'liq muammolar yuzaga kelmoqda. 40 ta davlat o'z politsiyasini Fransiyaga yuborgan, ammo xabarlarda aytilishicha bu ham yetarli emas. Sportchilar yashash sharoiti, konditsioner va ishlamaydigan liftlar yo‘qligidan shikoyat qilmoqda. Olimpiada o‘yinlariga kelgan isroillik sportchilarga qarshi namoyishlar bo'lib o'tmoqda. Namoyishlar butun shaharni qamrab olgan. Ko‘chalar qo‘llarida Falastin bayroqlari ko‘targan odamlar bilan to‘lgan.
“Odamlar nega isroillik sportchilarni Olimpiadaga taklif qilishganini tushuna olmayaptilar. Ularga hamma narsa ruxsat etilmoqda biroq, biz bunga mutlaqo qo'shilmaymiz. Bizning fikrimizcha, ularga musobaqalarda qatnashish taqiqlanishi kerak edi”, - dedi norozilik namoyishi ishtirokchilaridan biri.
Ko‘chalarda Isroilga qarshi namoyishlar bo‘layotgan bir paytda Fransiya prezidenti Emmanuel Makron barchani tinchlanishga chaqirmoqda.
“Biz isroillik sportchilarni Fransiyada ko‘rishdan xursand bo‘lamiz. Ular o'z davlat bayrog'i ostida chiqishlari mumkin. Chunki, Olimpiya harakati shunday qaror qildi”, - deb tushuntirdi Makron.
Olimpiada janjallar ostida boshlanmoqda. Sportchilarni kunduzi talon-taroj qilishmoqda. Argentina futbol jamoasi a'zolarining narsalari o'yindan oldingi mashg'ulot vaqtida o'g'irlab ketildi.
“Kecha mashg'ulotimizga o'g'rilar bostirib kirishdi. Tiago Almadaning buyumlari o‘g‘irlangan. Uning soati, uzuklari va boshqa hamma narsasi yo'q. Biz hech narsa demoqchi emasdik, lekin bu kabi holatlar juda ko'p uchramoqda”, - dedi Argentina olimpiya terma jamoasi bosh murabbiyi Xaver Maskerano.
Avstraliyalik velosport yulduzining asbob-uskunalari bo'lgan furgoni sindirilib, Parijga ketayotganda uning qimmatbaho jihozlari solingan sumkalari ag'darilgan. Transportda ham muammolar mavjud. Sportchilar skeytbordlarda stadionlarga borishga majbur bo'lmoqda. Hamda Olimpiya qishlog'ining o'zi Parijning eng noqulay joylaridan birida qurilgan. Olimpiyachilar nisbatan og'ir sharoitda yashamoqdalar. Xonalarda konditsionerlar bilan bog'liq muammolar bor. Bundan tashqari, qattiq matraslar va kartondan qilingan g'alati to'shaklar ishtirokchilar noqulaylik tug'dirmoqda.
Parij hibsda. Shahar metall panjaralar bilan o‘ralgan. Siz hatto Eyfel minorasini ko'rishga ham bora olmaysiz.
“Shahar qamal ostida. Bu yerda harbiy holat joriy qilingandek tuyuladi. Men bu yerdan ketaman deb o'ylayman. Ko'chada deyarli odam yo'q, har qadamda politsiya. Agar men hech qayerga bora olmasam, bu yerda nimani ko'rishim mumkin? ” – degan shaharga kelgan sayyohlardan biri.
Bu xavfsizlik choralarining barchasi oddiy fransuzlarning yashashini qiyinlashtiradi. Shahar bo'ylab harakatlanish uchun sizga maxsus QR kodlari kerak bo'ladi. Shahar aholisi endi sevimli qahvaxonasida kofe icholmayotganidan g'azabda. Sababi ular shunchaki u yerga bora olmaydi.
“Xavfsizlik choralari nihoyatda kuchaytirilgan. Hamma joy o‘rab olingan. Hech qayerga borolmaysiz, - deya shikoyat qilgan mahalliy aholidan biri.
Supermarketlar, butiklar, kafe va restoranlar katta miqdorda pul yo'qotmoqda.
“Bu iqtisodiy falokat. Restoran xodimlarimiz ishga kelishda qiynalmoqda, yoki umuman kelishmayapti. Har holda, bizning restoranda mijozlar ko'p emas. Biz hatto mahsulotlarni olib kelolmayapmiz”, - degan tadbirkorlardan biri.
Olimpiya o‘yinlarning tantanali ochilish marosimi bugun bo‘lib o‘tadi. Shu bilan birga, Fransiya poytaxtida xavfsizlik choralari yanada kuchaytirilishi kutilyapti.
