Abituriyentga “X-variant” sotmoqchi bo‘lgan firibgar ushlandi
Hozirda tergov harakatlari davom etmoqda.
Holat Toshkent shahrining Sergeli tumanida kuzatilgan. Nomaʼlum shaxs 23 yoshli J.I.ning ishonchiga kirib, poytaxt oliygohlarining biridagi test savollariga to‘g‘ri javoblar ro‘yxatini topib berishni vaʼda qilgan. Jabrlanuvchi uning hisob raqamiga 885 096 so‘mni o‘tkazgach, u umuman aloqaga chiqmay qo‘ygan.
O‘tkazilgan tezkor-qidiruv tadbirlari natijasida firibgar 22 yoshli X.O. ekanligi maʼlum bo‘ldi. Mazkur ish bo‘yicha Jinoyat kodeksining 168-moddasi (“Firibgarlik”) bilan ish qo‘zg‘atilgan. Hozirda tergov harakatlari davom etmoqda.
