"O‘zbekistonimizga munosib g‘alabalar, kamarlar bilan qaytish nasib qilsin"
Super yarim o‘rta vazn toifasida WBA kamari sohibi Isroil Madrimov 3-avgust kuni Terens Kroufordga qarshi jang qiladi.
Mazkur jang oldidan Madrimov o‘zbekistonlik muxlislarga murojaat yo‘lladi.
“Assalomu alaykum, vatandoshlar. Mana hozir jang bo‘ladigan arenada turibmiz. 3-avgustda shu yerdan g‘alaba bilan qaytishga harakat qilamiz. Buning uchun sizlarning qo‘llab-quvvatlashingiz va duo qilishingizni so‘rab qolaman. O‘zbekistonimizga munosib g‘alabalar, kamarlar bilan qaytish nasib qilsin. Olg‘a, O‘zbekiston!”, — dedi Madrimov.
Madrimov va Terens o‘rtasidagi jang Amerika Qo‘shma Shtatlarining Los-Anjeles shahrida 3-avgust kuni bo‘lib o‘tadi. Ushbu qarama-qarshilik birinchi o‘rta vazn toifasidagi WBA kamari uchun kechadi.
