Chirchiqda 17 yoshli yigit kanalda cho‘kib ketdi
U 6 kundan beri qidirilmoqda.
Toshkent viloyatining Chirchiq shahrida 17 yoshli o‘smir kanalda cho‘kib ketdi. Bu haqida “Millar” dasturida xabar qilindi.
Maʼlum bo‘lishicha, joriy yilning 27 iyul kuni Toshkent viloyati FVBga Bo‘zsuv kanalining maʼlum qismida voyaga yetmagan 17 yoshli yigit cho‘milayotgan vaqtida cho‘kib ketgani haqida xabar kelib tushgan. Xabarga asosan zudlik bilan qutqaruvchilar holat joyiga yetib borgan. Hozirda qidiruv qutqaruv ishlari davom etmoqda.
“Meni bolam 6 kundan beri yo‘q. U Chirchiq shahridagi sport maktabida o‘qir edi. O‘zim Olmaliq shahridanman. Uning trenerlari 3-4 ta bola bilan chiqib ketgan. Nega u meni bolamni so‘ramasdan olib chiqadi va taqiqlangan joyda cho‘miltiradi? O‘g‘limni qidirilishiga ko‘proq xodim biriktirilishini so‘rayman, iltimos” , — degan bolaning onasi.
