Rossiyaning ayrim hududlarida “aksilterror operatsiyasi” rejimi joriy etildi
Ushbu hududlarda muayyan cheklovchi choralar qo‘llanishi mumkin.
Rossiyaning Belgorod, Bryansk va Kursk viloyatlarida “aksilterror operatsiyasi” rejimi joriy etildi.
Rossiya Milliy aksilterror qo‘mitasi “aksilterror operatsiyasi” rejimi joriy etilishini Rossiyaning Ukraina bilan chegaradosh uch hududida “vaziyatni beqarorlashtirishga urinishlar” sodir etilishi bilan izohladi.
Rejim aksilterror operatsiyasi o‘tkaziladigan hududda muayyan cheklovchi choralarni ko‘rishga imkon beradi, xususan, hujjatlarni tekshirish, aksilterror operatsiyasini olib boradigan shaxslarning har qanday binolarga to‘siqsiz kirishi, axborot almashinuvini nazorat qilish va aloqa vositalarini uzish, odamlarni va transport vositalarini hududdan chiqarib yuborish yoki vaqtincha ko‘chirish.
