Turkiyada niqobli erkak bir necha kishini pichoqladi
Voqea mamlakat shimoli-g‘arbidagi masjidlardan birining oldida yuz bergan.
18 yoshli gumonlanuvchi, uzun pichoq bilan qurollanib, Eskishehir shahridagi bir masjidda amalga oshirilgan hujumni X ijtimoiy tarmog‘i orqali jonli efirga uzatgan. Baʼzi ommaviy axborot vositalari hujum oqibatida yetti kishi jarohatlangani haqida xabar qildi.
"Hujumchi kompyuter o‘yinidagi qahramonga o‘xshab o‘q o‘tkazmaydigan jilet va dubulg‘a kiygan, yuzi niqob bilan o‘ralgan edi", — deya mahalliy Eskishehir Durum saytidan iqtibos keltiradi AFP.
Bir nechta yangiliklar saytlari uning ko‘kragiga bir nechta svastikalardan tashkil topgan natsistlarning ramzi bo‘lgan “qora quyosh” bo‘lganini daʼvo qilmoqda.
Cumhuriyet gazetasining yozishicha, o‘z harakatining sabablarini ochiqlamagan, lekin u o‘ziga "jangovar o‘yinlar taʼsir qilganini" aytgan.
