Shahnoza Mirziyoyeva O‘zbekiston Milliy paralimpiya qo‘mitasi raisining birinchi o‘rinbosari bo‘ldi
Qo‘mita tarkibida yangi tayinlovlar amalga oshirildi.
Prezident Shavkat Mirziyoyevning maxsus topshirig‘iga asosan adaptiv sportni rivojlantirish hamda nogironligi bo‘lgan shaxslarni adaptiv sportga jalb qilish maqsadida “Adaptiv sport turlari assotsiatsiyasi” tashkil etildi.
Ijtimoiy himoya milliy agentligi direktor o‘rinbosarlari O‘zbekiston Milliy paralimpiya qo‘mitasi, “O‘zbekiston maxsus olimpiadasi” jamoat birlashmasi, O‘zbekiston ko‘zi ojizlar sport federatsiyasi, O‘zbekiston karlar sport federatsiyalari birinchi o‘rinbosarlari etib tayinlandi.
Xususan,
- O‘zbekiston Respublikasi Prezidenti huzuridagi Ijtimoiy himoya Milliy agentligi direktori o‘rinbosari Tashxodjayev Muxtorxon Maxsudovich adaptiv sport assotsiatsiyasi raisi;
- agentlik direktorining birinchi o‘rinbosari Mirziyoyeva Shahnoza Shavkatovna O‘zbekiston Milliy paralimpiya qo‘mitasi raisining birinchi o‘rinbosari;
- agentlik direktori o‘rinbosari Abdullayev Sirojiddin Saʼdullayevich O‘zbekiston Maxsus olimpiyadasi Respublika jamoat birlashmasi raisining birinchi o‘rinbosari;
- agentlik direktori o‘rinbosari Abruyev Jamshid Ismailovich O‘zbekiston Ko‘zi ojizlar sporti federatsiyasi raisining birinchi o‘rinbosari;
- agentlik huzuridagi Ijtimoiy inspeksiya rahbari Kutpiddinov Xusniddin Muxiddinovich O‘zbekiston Karlar sporti federatsiyasi raisining birinchi o‘rinbosari lavozimiga tayinlandilar.
Endilikda nafaqat parasport turlari, balki nogironligi bo‘lgan shaxslar shug‘ullanishi mumkin bo‘lgan boshqa sport turlari ham keng rivojlantiriladi.
