Farg‘onada suv taʼminoti xodimlari kaltaklandi
Hozirda tergovga qadar tekshiruv o‘tkazilmoqda.
Ijtimoiy tarmoqlarda Farg‘ona viloyatida suv taʼminoti xodimini fuqaro kaltaklagani haqida xabarlar tarqaldi.
Maʼlum qilinishicha, 15 avgust kuni “Farg‘ona suv taʼminot” AJ ishchisi S.M. hamkasbi B.A. bilan Farg‘ona tumani “Vaziyo” mahallasiga xizmat yuzasidan borgan. U yerda o‘zaro kelishmovchilik tufayli fuqaro N.R. bilan janjal kelib chiqqan. Oqibatda N.R. xodimlar S.M. va B.A.larga tan jarohati yetkazgan.
“Hozirda mazkur holat yuzasidan jabrlanuvchilar olgan tan jarohatlari darajasini aniqlash bo‘yicha sud-tibbiy ekspertizasi tayinlanib, tergovga qadar tekshiruv harakatlari olib borilmoqda”, deyiladi xabarda.
