Ukraina Qrimda harbiy maʼmuriyat tashkil etmoqchi
Mahalliy darajadan respublika darajasiga qadar harbiy maʼmuriyatlar tuzilishi kutilmoqda.
Ukraina Milliy xavfsizlik, mudofaa va razvedka qo‘mitasi Ukrainaning “Harbiy holatning huquqiy rejimi to‘g‘risida”gi qonuniga Qrim Avtonom Respublikasi va Sevastopol shahrida davlat hokimiyatini tiklashning o‘ziga xos xususiyatlariga oid o‘zgartishlar kiritish bo‘yicha loyihasini ko‘rib chiqdi.
“Davlat hokimiyati organlari vaqtincha ishg‘ol boshlanganidan beri amalda ishlamagani va Qrim ozod etilgandan so‘ng maʼmuriyat darhol o‘z ishini davom ettirishining imkoni bo‘lmasligi sababli, loyiha Qrimning barcha darajalarida — mahalliy darajadan respublika darajasiga qadar harbiy maʼmuriyatlarni yaratishni, shuningdek, saylangan va davlat xizmatini egallaganlarning vakolatlarini tugatish imkoniyatini nazarda tutadi”, — deb yozdi Ukraina prezidentining Qrimdagi vakili.
