Atom elektr stansiyalari hech qachon harbiy nishonga aylanmasligi kerak — MAGATE rahbari
Rafael Grossi Kursk va Zaporojye atom elektr stansiyalarida sodir bo‘layotgan voqealarni solishtirish imkonsizligini taʼkidladi.
Uning so‘zlariga ko‘ra, Zaporojye AESidagi vaziyatni "juda qaltis" deb taʼriflash mumkin, chunki u har qanday vaqtda, jumladan, dron zarbalari tufayli ham buzilishi mumkin.
"Atom elektr stansiyalari hech qachon, hech qanday sharoitda va qaysi mamlakat yoki hududda joylashganidan qatʼiy nazar, hujumga uchramasligi yoki harbiy nishonga aylanmasligi kerak. Bu hamma uchun amal qiladigan umumiy tamoyil", — deya fikr Grossi bildirdi Ukraina prezidenti Vladimir Zelenskiy bilan Kiyevda bo‘lib o‘tgan muzokaralar yakunlari bo‘yicha o‘tkazilgan matbuot anjumanida.
Bundan tashqari, MAGATE agentlik ekspertlari guruhi tez orada Ukrainaning shikastlangan baʼzi podstansiyalariga — yadro xavfsizligini taʼminlash uchun zarur bo‘lgan energiya taqsimlash punktlariga borishini maʼlum qildi. Mutaxassislar ushbu obyektlardagi vaziyatni baholaydilar va mumkin bo‘lgan keyingi harakatlar to‘g‘risida shtabga hisobot berishadi.
