Qozog‘istonda 500 ga yaqin o‘quvchi ommaviy zaharlandi
Hozirda holat yuzasidan jinoyat ishi qo‘zg‘atgan.
Qozog‘istonning Mang‘istov viloyati Munayli tumanidagi 8-maktabda 460 nafar bola ommaviy zaharlandi.
Ilk holatlar 6 sentyabr kuni qayd etilgan. Avvaliga 58 nafar jabrlanganlar haqida xabar berilgan, 9-sentyabrga kelib ularning soni 460 nafarga yetgan. Ulardan 83 nafari kasalxonaga yotqizilgan, ikkitasi reanimatsiyada.
Hukumat zaharlanish alomatlari bilan kelgan barcha bolalar zarur tibbiy yordam, jumladan, psixologik yordam olishini aytgan. Qozog‘iston bosh vaziri Oljas Bektenov topshirig‘iga ko‘ra, bir oy muddatda respublikadagi barcha maktab oshxonalarida sanitariya-epidemiologiya talablariga rioya etilishi nazorat qilinadi.
