Andijondagi maktabda o‘quvchilar majburiy ishlatildi
Hozirda direktor va o‘qituvchi jazolangan.
Andijon shahridagi 37-umumtaʼlim maktabi o‘quvchilarini majburiy mehnatga jalb qilgan chaqiruvga qadar boshlang‘ich tayyorgarlik rahbari va bunga beparvo yondashgan direktor jazolandi.
Qayd etilishicha, Andijon shahar “Islomobod” MFYda joylashgan 37-umumtaʼlim maktabi 1963 yilda qurilgan. 960 nafar o‘quvchi o‘ringa ega ushbu maktabda hozirda 1 ming 728 nafar o‘quvchiga 102 nafar o‘qituvchi tomonidan taʼlim-tarbiya berilib kelinmoqda.
Mazkur taʼlim muassasasi “Tashabbusli byudjet” loyihasi doirasida 2024 yil 1-mavsumida 1 milliard 360 million so‘m mablag‘ yutib olib, hozirda qurilish-taʼmirlash ishlari amalga oshirilmoqda.
Joriy yilning 14 sentyabr kuni soat 13:00 lar chamasida maktabning CHQBT rahbari H.H. texnologiya va harbiy vatanparvarlikka tayyorgarlik ko‘rish sinf xonalaridan yaroqsiz jihozlarni olib chiqish uchun darsdan bo‘shagan bir guruh 7-sinf o‘quvchilarni parta tashishga yollagan.
