Isroildagi o‘zbekistonliklar ogohlantirildi
Ularga xavfsizlik choralarini ko‘rish tavsiya etildi.
Isroil davlatida O‘zbekiston fuqarolariga xavfsizlik choralarini ko‘rish va raketa otishmalari paytida boshpanalarni tark etmaslik tavsiya etildi. Bu haqida O‘zbekistonning Isroildagi elchixonasi xabar bayonot berdi.
“Hozirgi paytda mamlakatning shimoliy hududlarida murakkab vaziyat vujudga kelayotganligini eʼtiborga olib o‘zingizning shaxsiy xavfsizlik choralarini ko‘rishingizni va raketa otishmalari paytida boshpanalarni tark etmaslikni tavsiya etamiz”, deyiladi elchixona xabarida.
Shuningdek, diplomatik missiya Isroil hukumati va O‘zbekiston elchixonasi rasmiy xabarlarini kuzatib borishni, Isroil frontorti qo‘mondonligidan bildirishnomalar va ogohlantirishlar (Home Front Command) mobil ilovasi yoki veb-sayti havolasini telefonga o‘rnatishni tavsiya qilgan.
