Iroq 9 yoshli qizlarga uylanishga ruxsat bermoqchi
Bu esa keskin noroziliklarga sabab bo‘lmoqda.
Iroq hukumati qizlarning turmush qurish yoshini 18 yoshdan 9 yoshga tushirmoqchi. Bu haqida Britaniyaning “The Daily Telegraph” nashri yozmoqda.
Hukmron koalitsiyaga ko‘ra, bu harakat islom qonunlarining qatʼiy talqiniga mos keladi va yosh qizlarni “axloqsiz munosabatlar”dan himoya qilishga qaratilgan.
Nashr suhbatlashgan ekspertlar va faollarning aytishicha, qonunga kiritilayotgan bu tuzatish mamlakatdagi eng muhim huquqlarni ayollardan amalda mahrum qiladi.
Hukmron koalitsiyaning xatti-harakatlari ijtimoiy tarmoqlarda norozilikka sabab bo‘ldi. Ayollar huquqlarini himoya qiluvchilar hukumatni “bolalarni zo‘rlashni qonuniylashtirish”ga urinishda aybladi.
