Rossiyada migrantlar uy ijaraga olishi qiyinlashadi
Bu haqida Davlat dumasining xalqaro ishlar bo‘yicha qo‘mitasi rahbari maʼlum qildi.
Rossiyada migrantlarga uy-joy shartnoma asosida va maksimal bir yilga berish taklif etildi. Tegishli qonun loyihasi Rossiya Liberal demokratik partiyasi (LDPR) tomonidan hukumatga yuborildi.
Elementar qoidalarga rioya qilmaydigan xorijlik ijarachilar bilan qo‘shnichilik mamlakatimizning tub aholisi uchun haqiqiy muammoga aylandi. Shovqin, chiqindi, mushtlashuvlar, olomon — real vaziyat shunday ko‘rinadi.
Odamlar farzandlari va o‘zlari uchun xavotirga tushmoqda. Bunday xonadonlarning egalarini topish nihoyatda qiyin, politsiyani chaqirish esa migrantlarning tajovuzkorligini yana-da kuchaytiradi. Qabulxonamizga shunday minglab murojaatlar kelib tushmoqda!
LDPR fraksiyasi nomidan hukumatga migrantlarga uy-joy faqat shartnoma asosida taqdim etishni majburiy qiladigan va ijara muddatini bir yil bilan cheklaydigan qonun loyihalari paketi yuborildi, dedi Sluskiy.
Uning taʼkidlashicha, Moskvadagi arzon uy-joylarning 85 foizida migrantlar yashaydi.
