“Talaba yugur” va “Rektor stipendiyasi” g‘olibi bo‘l!
Sirdaryoda yugurish musobaqasi o‘tkazildi.
Guliston shahrida O‘zbekiston engil atletika federatsiyasi, Sirdaryo viloyati hokimligi, viloyat Sport boshqarmasi, viloyat Oliy taʼlim, fan va innovatsiyalar boshqarmasi, viloyat Yoshlar ishlari boshqarmasi bilan hamkorlikda viloyatda mavjud oliy taʼlim muassasalari talabalari o‘rtasida “Talaba yugur” yugurish musobaqasi o‘tkazildi.
Yugurish musobaqasida elektron ro‘yxatdan o‘tgan 800 nafarga yaqin ishtirokchilar “Do‘stlik” kanali bo‘ylab 3 km bo‘lgan masofani yugurib o‘tishdi.
Sport tadbiri yakuniga ko‘ra Guliston davlat universitetidan 24 nafar, Guliston davlat pedagogika institutidan 24 nafar, Toshkent kimyo-texnologiya institutidan 24 nafar talabalar sovrinli o‘rinlarni qo‘lga kiritishdi.
Endilikda g‘olib va sovrindor bo‘lgan talabalarni musobaqa Nizomiga asosan 6,4,2 oylik shartnoma mablag‘lari to‘lab beriladi hamda “Rektor stipendiyasi” bilan mukofotlanadi.
