Isroil Livan poytaxtiga zarba berdi
Oqibatda 10 dan ortiq odam halok bo‘lgan.
Isroil havo kuchlarining Livan poytaxtiga bergan zarbasi oqibatida 11 kishi halok bo‘ldi, 60 dan ortiq kishi jarohatlandi. Bu haqida BBC nashri yozmoqda.
Xabar berilishicha, Bayrut markazidagi sakkiz qavatli turar-joy binosi butunlay vayron bo‘lgan, yaqin atrofdagi yana beshta bino zarar ko‘rgan.
Isroil Livanning “Hizbulloh” guruhiga qarshi hujumlarini davom ettirmoqda. 23 noyabrdagi zarbalarning nishoni guruhning tashqi xavfsizlik xizmati rahbari bo‘lishi mumkin.
Livan Milliy Axborot Agentligi maʼlumotlariga ko‘ra, Isroil havo kuchlari Bayrutning markaziy qismidagi Basta tumaniga kamida beshta raketa bilan zarba bergan.
