O‘zbekistonlik futbolchi faoliyatini Ispaniyada davom ettiradi
U "Lokomotiv" klubida o'ynab kelayotgan edi.
"Lokomotiv" klubi hamda O‘zbekiston yoshlar jamoasining iqtidorli yarim himoyachisi Lazizbek Mirzayev faoliyatini Ispaniyada davom ettiradi.
Toshkent klubi matbuot xizmati xabariga ko‘ra, "temiryo‘lchilar" Lazizbek Mirzayevni "Leganes" klubiga transfer qilgan. "Leganes" jamoasi La Liga ishtirokchisi sanalib, turnir jadvalida 17-o‘rinni egallab turibdi.
"Lazizbek Mirzayev futboldagi ilk qadamlarini "Lokomotiv" futbol maktabida Saydullo Tursunov qo‘l ostida yo‘lga qo‘ygan bo‘lib, o‘z yosh toifasida O‘zbekistondagi eng iqtidorli futbolchilardan biri hisoblanadi. Uning O‘zbekiston U-17 jamoasida sardor sifatida harakat qilishi ham bejiz emas. Biz Lazizbek Mirzayevga minnatdorchilik bildirgan holda Ispaniyadagi faoliyatiga omad tilab qolamiz", - deyiladi xabarda.
