Toshkentdagi ovqatlanish shoxobchasida yong‘in chiqdi
Holat yuzasidan rasmiy maʼlumot berildi.
Bugun, 19 dekabr kuni Toshkent shahrining Mirzo Ulug‘bek tumanidagi ovqatlanish shoxobchasida yong‘in chiqdi. Bu haqida poytaxt Favqulodda vaziyatlar boshqarmasi xabar berdi.
Qayd etilishicha, soat 11:04 da Mirzo Ulug‘bek tumani Yalang‘och dahasida joylashgan ovqatlanish shoxobchasida yong‘in sodir bo‘layotgani to‘g‘risida Toshkent shahar FVBga xabar kelib tushgan.
Shunga ko‘ra, yong‘in-qutqaruv texnikalari aytilgan manzilga soat 11:07 da yetib borib, yong‘in soat 11:15 da o‘chirilgan.
Yong‘in oqibatida halok bo‘lgan va jabrlanganlar yo‘q. Hozirda yong‘in sababi va keltirilgan moddiy zarar aniqlanmoqda.
