Qozog‘iston-O‘zbekiston chegarasida maxfiy tunnel topildi
U orqali yoqilg‘i-moylash materiallari olib o‘tilgan.
Qozog‘iston janubida neft mahsulotlarini kontrabanda qilish uchun foydalanilgan O‘zbekistonga olib boruvchi tunnel topildi.
“Bir guruh shaxslar tomonidan Qozog‘iston-O‘zbekiston chegarasida 450 metr uzunlikdagi tunnel yotqizilgan. Ushbu tunnel orqali har kuni 5-7 tonna yoqilg‘i-moylash materiallari kontrabanda yo‘li bilan olib chiqilgan. Noqonuniy faoliyat taxminan ikki oy davom etgan. Maxsus tadbirlar bilan jinoiy guruhning barcha aʼzolari, jumladan, O‘zbekiston fuqarolari ham aniqlangan”, deyiladi Turkiston viloyati prokuraturasi xabarida.
Shunga o‘xshash tadbirlar O‘zbekiston huquqni muhofaza qilish organlari tomonidan davlat chegarasining chegara hududida o‘tkazilgan. Qo‘shni davlatdan eksport qilingan yonilg‘i uchun mablag‘ o‘tkazish sxemasi aniqlangan.
“Qozog‘iston hududida ham, O‘zbekiston hududida ham transmilliy jinoiy guruh aʼzolari qo‘lga olindi. Hozirda tergovga qadar tekshiruv harakatlari olib borilmoqda”, deyiladi xabarda.
