Toshkentda kafelardan biri yonib ketdi
Holat yuzasidan FVB maʼlumot berdi.
Bugun, 27 dekabr kuni soat 00:08 da Chilonzor tumani Cho‘pon ota ko‘chasida joylashgan kafelarning birida yong‘in sodir bo‘layotganligi to‘g‘risida Toshkent shahar FVBga xabar tushgan.
Shunga ko‘ra, yong‘in-qutqaruv ekipajlari voqea joyiga soat 00:13 da yetib borib, soat 00:23 yong‘in qurshab olinib, soat 00:40 da o‘chirilgan.
Hozirda yong‘in sababi va keltirgan zarari aniqlanmoqda. Yong‘in natijasida tan jarohati olgan va halok bo‘lgan fuqarolar yo‘q.
