Surxondaryolik erkak farzandlariga 180 mln aliment to‘ladi
Shundan so‘ng ijro hujjati tamomlangan.
MIB Sariosiyo tuman bo‘limi ish yurituvida bo‘lgan ijro hujjatiga ko‘ra tumanda yashovchi S. Bohodirovdan o‘n ikki va o‘n besh yoshdagi ikki qiz farzandi uchun tegishli sud qarori asosida 2022 yildan aliment undirish belgilangan.
Mazkur ijro hujjati ish yurituvga qabul qilingach, aliment to‘lovchi otaning O‘zbekiston Respublikasi hududidan chetga chiqish huquqlari vaqtincha cheklanib, aliment to‘lovlarini o‘z vaqtida to‘lab borishi haqida ogohlantirilgan. U davlat ijrochilariga murojaat etib, aliment to‘lovlarini turmush o‘rtog‘i bilan o‘zaro kelishgan holda oldindan to‘lab berishga ahd qilganini maʼlum qildi. Shunga muvofiq davlat ijrochisi M.Tog‘ayev oila vakillarining murojaatiga asosan voyaga yetmagan farzandlarining 18 yoshgacha bo‘lgan aliment miqdorini oldindan hisoblab bergach, S. Bahodirov 180 million so‘m alimentni naqd pul shaklida to‘liq to‘lab berdi.
Shu kuni hujjatlar notarial tartibda rasmiylashtirilgach, qarzdorga nisbatan qo‘llanilgan barcha cheklov choralari bekor qilinib, ijro hujjati undiruvchining arizasiga asosan ish yurituvdan tugatildi.
