TikTok AQSHdagi faoliyatini to‘xtatdi
Ilova App Store‘dan ham o‘chirib tashlangan.
Xizmat Qo‘shma Shtatlarda platformaga nisbatan federal taqiq kuchga kirishidan oldin ishlashdan to‘xtadi. Reuters maʼlumotiga ko‘ra, ilovani ochishga urinish vaqtida foydalanuvchilar TikTok‘ning mavjud emasligi haqida xabar olishmoqda.
"AQSHda TikTok‘ni taqiqlovchi qonun qabul qilindi. Afsuski, bu siz hozircha TikTok‘dan foydalana olmasligingizni anglatadi. Bizning omadimiz shundaki, prezident Tramp o‘z vazifasiga kirishgach, TikTok‘ni tiklash bo‘yicha yechim ustida ishlashini aniq bildirdi. Iltimos, yangiliklarni kuzatib boring", deyiladi ilovadagi xabarda.
