Donald Tramp Baydenni kuzatib qo‘ydi
Shu tariqa u prezidentlik lavozimiga kirishdi.
AQSHning saylangan prezidenti Donald Tramp Vashingtondagi marosimda qasamyod qilib, rasman Qo‘shma Shtatlarning 47-prezidenti bo‘ldi.
Marosim Vashingtonning Kapitoliy tepaligida bo‘lib o‘tdi. Bungacha Jey Di Vens AQSH vitse-prezidenti sifatida qasamyod qilgandi.
Inauguratsiya marosimida AQSHning saylangan prezidenti Donald Tramp, uning oila aʼzolari, Vensning qarindoshlari, shuningdek, isteʼfoga chiqayotgan prezident Jo Bayden va vitse-prezident Kamala Xarris o‘z turmush o‘rtoqlari bilan, sobiq prezident Bill Klinton rafiqasi Xillari bilan, sobiq prezidentlar kichik Jorj Bush va Barak Obama, IT-korporatsiyalar rahbarlari, AQSH Oliy sudi aʼzolari ishtirok etdi.
AQSHning sobiq prezidenti Jo Bayden Donald Tramp inauguratsiyasidan keyin Vashingtondagi Kapitoliy tepaligini harbiy vertolyotda tark etdi. Yangi prezident isteʼfoga chiqqan prezidentni bortga kuzatib qo‘ydi.
