AQSH janubiy chegarasiga bronetexnika joylashtirishi mumkin
Hozirda maʼmuriyat ushbu masalani muhokama qilmoqda.
"Tramp maʼmuriyati xavfsizlik choralarini kuchaytirish maqsadida Meksika chegarasiga minglab harbiylar va bronetexnika, jumladan, Stryker zirhli mashinalarini yuborish imkoniyatini muhokama qilmoqda", deb xabar bermoqda The Washington Post Pentagondagi manbalariga tayanib.
Nashrning maʼlumotlariga ko‘ra, chegarada 2500 nafargacha dengiz piyodasi askarlarini, Koloradodagi 4-piyoda diviziyasining mexanizatsiyalashgan piyoda brigadasini, shuningdek, Shimoliy Karolinadagi 82-havo-desant diviziyasi bo‘linmalarini joylashtirish imkoniyati ko‘rib chiqilmoqda.
Harbiylar AQSH chegara nazorati xidimlariga chegarani noqonuniy kesib o‘tishga uringan muhojirlarni aniqlash va qo‘lga olishda yordam beradi.
