Mashinada “manyovr” qilgan fuqaro 50 mln to‘ladi
U bu harakati bilan mashina ichidagi yo‘lovchining sog‘ligiga zarar yetkazgan.
Yo‘llarda harakat qoidalariga amal qilib yurish bu haydovchi va piyodaning birdek vazifasidir. Biroq, qoidalarga amal qilmay, harakatlanish insonlarning kerak bo‘lsa sog‘lig‘iga ham ziyon yetkazadi.
Jumladan, jinoyat ishlari bo‘yicha So‘x tuman sudining ijro varaqasiga asosan, qarzdor fuqaro I.X.dan undiruvchi fuqaro I.Sh.ning foydasiga moddiy va maʼnaviy zarar undirish to‘g‘risidagi ijro hujjati Byuroning Marg‘ilon shahar bo‘lim ish yurituviga kelib tushgan.
Majburiy ijro byurosining Marg‘ilon shahar bo‘limi tomonidan ijro harakatlari davomida, qarzdor fuqarodan undiruvchi foydasiga 50 mln 300 ming so‘m moddiy va maʼnaviy zarar to‘liq undirib berildi va ijro ishi amalda tamomlandi.
