O'tgan mavsumda qaysi jamoalar eng ko'p pul topdi?
Ro'yxatga beshta klub kiritilgan.
Deloitte auditorlik kompaniyasi 2023-2024-yilgi mavsumda eng ko'p daromad qilgan jamoalar ro'yxatini tuzib chiqdi. Mazkur ro'yxatga ayni vaqtda ko'plab yutuqlarni qo'lga kiritayotgan dunyoning beshta klubi joy oldi.
5 - o'rin
Myunxenning "Bavariya" klubi o'tgan mavsumda 765,4 million yevro daromad qildi. Bu jamoaning o'ziga xos rekordi hisoblanadi.
4 - o'rin
Ketma-ket omadsiz mavsumlar va mag'lubiyatlarga qaramay "Manchester Yunayted" ham eng ko'p pul topgan jamoalar qatoridan joy oldi. Klub o'tgan mavsum 770,6 million yevro daromad qilgan.
3 - o'rin
Parij shahrining "PSJ" klubi 2023-2024-yilgi mavsumda 805,9 million yevro pul ishlab topgan.
2 - o'rin
O'zbekistonlik Abduqodir Husanov to'p surayotgan "Manchester Siti" jamoasining o'tgan yilgi daromadi 837,8 million yevroni tashkil qilgan.
1 - o'rin
Madridning "Real" klubi ro'yxatda yaqqol yetakchilikni qo'lga olgan. Jamoaning bir yillik daromadi 1,045 milliard ekani qayd etilgan.
