Ronaldu jahon futbolida noyob rekord o‘rnatdi
Ushbu natija “Al-Raed”ga qarshi bahsda qayd etilgan.
Hujumchi Kristiano Ronaldu klub darajasidagi 700 ta o‘yinda g‘alabaga erishgan tarixdagi birinchi futbolchi bo‘ldi. Unga ushbu natijani Saudiya Arabistonining “Al-Nasr” klubi safida “Al-Raed”ga qarshi bahsda (2:1) qayd etilgan g‘alaba taʼminladi.
Ronaldo faoliyati davomida turli klublar safida quyidagi g‘alabalarga erishdi:
- “Sporting” – 13 ta,
- “Manchester Yunayted” – 214 ta,
- “Real Madrid” – 316 ta,
- “Yuventus” – 91 ta,
- “Al-Nasr” – 66 ta.
Portugaliyalik futbolchi 2023 yil yanvar oyida “Al-Nasr” bilan shartnoma imzolagan va oilasi bilan Saudiya Arabistoniga ko‘chib o‘tgan. Mahalliy qonunchilikka ko‘ra, turmush qurmagan erkak va ayolning birga yashashi taqiqlangan bo‘lsada, Ronalduga ushbu qoida bo‘yicha istisno berilgan.
Futbolchining jamoa bilan amaldagi shartnomasi 2024/25 yilgi mavsum oxiriga qadar davom etadi. Matbuot xabarlariga ko‘ra, Ronaldu klub bilan shartnomani uzaytirishga kelishib olgan va yangi kelishuvga ko‘ra, “Al-Nasr” aksiyalarining 5 foiz ulushiga egalik qiladi.
