Olimlar umr ko‘rish davomiyligi genlarga bog‘liq emasligini aniqladi
Tadqiqotchilar atrof-muhit omillarini yaxshilash orqali umr davomiyligini uzaytirish mumkinligini taʼkidlamoqda.
Oksford Aholi salomatligi markazi olimlari umr davomiyligiga atrof-muhit omillari va genlarning taʼsirini o‘rganib chiqdi. Erta o‘lim xavfi atrof-muhit omillariga ko‘ra 17 foiz , genetik moyillik esa atigi 2 foiz ekani aniqlandi.
Mutaxassislar Buyuk Britaniya Biobanki tomonidan taqdim etilgan deyarli yarim million kishining maʼlumotlarini tahlil qilib, 22 ta asosiy kasallik bo‘yicha 164 ta omilni baholashdi.
Natijalarga ko‘ra, chekish, ijtimoiy-iqtisodiy holat, jismoniy faollik va yashash sharoitlari umr davomiyligiga eng katta taʼsir ko‘rsatdi. 21 ta kasallik chekish bilan, 19 tasi ijtimoiy-iqtisodiy omillar bilan, 17 tasi esa jismoniy faollik bilan bog‘liq ekani aniqlandi.
Homiladorlik davrida onaning chekishi va bolalikdagi tana vazni erta o‘lim xavfiga uzoq muddatli taʼsir ko‘rsatishi mumkin.
Genetik moyillik faqat demans va ko‘krak saratoni kabi baʼzi kasalliklarda sezilarli rol o‘ynaydi.
Tadqiqotchilar atrof-muhit omillarini yaxshilash orqali umr davomiyligini uzaytirish mumkinligini taʼkidlamoqda.
