Chilining deyarli butun hududi elektrdan uzildi
Bunga elektr stansiyasida yuz bergan nosozlik sabab bo‘lgan.
Milliy elektr energiyasi koordinatori xabariga ko‘ra, uzilish 25 fevral kuni mahalliy vaqt bilan 15:16 da sodir bo‘lgan. Natijada butun mamlakat elektr taʼminotisiz qoldi.
La Tercera nashrining xabar berishicha, Chilida isteʼmolchilarning 80,1 foizi elektr taʼminotisiz qolgan. Bunga Norte-Chico hududidagi elektr stansiyasida yuz bergan nosozlik sabab bo‘lgan.
Poytaxt Santyagoda metro poyezdlari harakati to‘xtatildi. Barcha yo‘lovchilar evakuatsiya qilindi. Hodisa sababli ko‘chalarga qo‘shimcha avtobuslar chiqarildi. Santyago aeroporti esa zaxira elektr taʼminoti tizimlarini ishga tushirdi. Shuningdek, aloqa va to‘lov tizimlari faoliyatida uzilishlar kuzatilmoqda
