Frankfurt Ramazon oyiga tayyorgarlik ko‘rmoqda
Shaharlar bayram chiroqlari bilan bezatiladi.
Germaniyaning Frankfurt-na-Mayne shahri Ramazon oyining boshlanishi munosabati bilan bayramona bezaklar bilan bezatildi. Shahar ko‘chalarida "Happy Ramadan" yozuvi, yarim oy va yulduz shaklidagi chiroqlar o‘rnatildi. Ushbu bezaklar ayniqsa shahar markazidagi Große Bockenheimer Strasse ko‘chasida, Freßgass nomi bilan mashhur hududda joylashtirildi.
Shahar ma’muriyatining ma’lum qilishicha, Ramazon chiroqlari 10-mart kuni yoqiladi va 9-aprel kuni, oy tugagach, o‘chiriladi. Mahalliy hokimiyat ushbu tashabbusni hozirgi murakkab davrda tinchlik va hamjihatlik ramzi sifatida qabul qilgan. Frankfurt shahar kengashi ushbu qarorni o‘tgan yili tasdiqlagan edi.
Rasmiy ma’lumotlarga ko‘ra, Frankfurt shahrida 100-150 mingga yaqin musulmon yashaydi, bu esa shahar aholining taxminan 15 foizini tashkil etadi.
Frankfurtdagi Ramazon bezaklari Germaniyada bayram yoritish an’anasi doirasida amalga oshirilmoqda. Mamlakatda Rojdestvo bayrami oldidan shaharlar bezatilishi odatiy hol. Shuningdek, yillik Xanuka nishonlanishi ham keng tarqalgan.
Berlin shahrida 2023-yilda 45 ta xanukiya o‘rnatilgan bo‘lib, eng yirigi Brandenburq darvozasi oldida 10 metrlik balandlikda barpo etilgan. Germaniya kansleri Olaf Shols ilk bor bu tadbirda ishtirok etgan. O‘tgan yili xanukiyalarning ko‘paytirilishi Isroil bilan birdamlik belgisi sifatida qaralgan edi.
Shunday qilib, Frankfurt-na-Mayne shahrida Ramazon bayramiga bag‘ishlangan yoritish tizimi mamlakatda turli diniy bayramlarga nisbatan hurmat va bag‘rikenglik an’analarining davomidir.
