Saida Mirziyoyeva ayollarni bayram bilan tabrikladi
“Sizlarni samimiyat ila bag‘rimga bosib qolaman”, deb yozdi Prezident yordamchisi.
Prezident yordamchisi Saida Mirziyoyeva barcha ayollarni 8 mart — Xalqaro xotin-qizlar kuni bilan tabrikladi.
“Ayolni ojiza deymizku, aslida ayol bo‘lish — ojizlik emas.
Ayol bo‘lish — bu, avvalo, masʼuliyat va matonat demak. Biz o‘zimizni o‘zgartirish, jamiyatni o‘zgartirish hamda siyosat, fan, biznesda erkaklar bilan tengma-teng o‘z so‘zimizni aytish uchun oson bo‘lmagan yo‘lni bosib o‘tdik. Biz ishonch bilan oldinga — orzularimiz tomon intilmoqdamiz.
Men sizga iroda, qatʼiyat va salohiyatingiz munosib eʼtirof etilishini tilayman. Oilangizga totuvlik va farovonlik, o‘zingizga sog‘lik va to‘kis baxt yor bo‘lsin!
Sizlarni samimiyat ila bag‘rimga bosib qolaman”, deb yozdi Mirziyoyeva.
