Yaponiya oxirgi o‘n yillikdagi eng katta yong‘inni to‘xtatdi
Yong‘in 12 kunlik kurashdan so‘ng o‘chirilgan.
Yaponiyaning Ofunato shahrida 1992-yildan beri kuzatilgan eng yirik yong‘inning tarqalishi to‘xtatildi. Shahar meri Kiyosi Fuchigami matbuot anjumanida yong‘in 12 kunlik kurashdan so‘ng o‘chirilganini e’lon qildi. Biroq ayrim hududlar aholisiga nisbatan evakuatsiya holati hali ham kuchida qolmoqda.
Rasmiy ma’lumotlarga ko‘ra, o‘rmon yong‘ini 3 ming gektarga yaqin hududni qamrab olgan va 200 dan ortiq binoga zarar yetkazgan. Yong‘inni o‘chirishga 2000 dan ortiq qutqaruvchi va o‘t o‘chiruvchi, shuningdek, 15 ta vertolyot jalb qilingan.
Mutaxassislarning fikricha, kelgusi kunlarda vaziyat to‘liq barqarorlashishi kutilmoqda. Evakuatsiya qilingan fuqarolar yaqin vaqt ichida uylariga qaytishlari mumkin.
