Gondurasda samolyot halokatga uchradi
Fojia oqibatida 12 kishi halok bo'lgan.
Gonduras g‘arbidagi Roatan orolida Lanhsa Airlines aviakompaniyasiga tegishli samolyotning qulashi natijasida 12 kishi halok bo‘ldi, 5 kishi esa omon qoldi. Bu haqda Gonduras milliy politsiyasi rasmiy xabar berdi.
Halokat Xuan Manuel Galvez aeroportidan havoga ko‘tarilgan samolyotning uchishidan ko‘p o‘tmay dengizga qulashi natijasida yuzaga kelgan. Dastlabki ma’lumotlarga ko‘ra, bortda 15 nafar yo‘lovchi va ekipaj a’zolari bo‘lgan. Guvohlarning so‘zlariga ko‘ra, samolyot texnik nosozlik tufayli boshqaruvni yo‘qotgan va uchish-qo‘nish yo‘lagidan taxminan bir kilometr uzoqlikda qulagan.
Qutqaruv xizmatlari zudlik bilan voqea joyiga yetib borib, 10 kishini suvdan chiqarib, ularga shoshilinch tibbiy yordam ko‘rsatdi. Shuningdek, halokat sodir bo‘lgan hududda yana bir yo‘lovchini izlash ishlari davom etmoqda.
Mahalliy rasmiylar fojianing sabablarini aniqlash maqsadida tergov boshlanganini ma’lum qildi.
