Malayziyada suv toshqinlari kuzatilmoqda
12 mingdan ortiq odam evakuatsiya qilindi.
Malayziyadagi kuchli yomg‘irlar tufayli yuzaga kelgan suv toshqinlari oqibatida 12 mingdan ortiq kishi xavfsiz hududlarga evakuatsiya qilindi.
Bernama agentligining xabar berishicha, tabiiy ofatdan eng ko‘p zarar ko‘rgan hududlar Johor, Sabah va Saravak shtatlari bo‘lib, ularda jami 12 285 nafar aholi vaqtinchalik boshpanalarga joylashtirilgan. Jabrlanganlar uchun 100 dan ortiq evakuatsiya markazlari tashkil etilgan.
Eslatib o‘tamiz, 2024-yilda Malayziyadagi suv toshqinlari mamlakat iqtisodiyotiga 215 million dollar miqdorida zarar yetkazgan, bu esa YIMning 0,05 foiziga teng.
