Shahzoda Uilyam tankda Rossiya chegarasiga bordi
U NATOning harbiy mashg‘ulotlarda ishtirok etdi.
Buyuk Britaniya shahzodasi Uilyam Estoniyaga tashrif buyurib, u yerdagi britan harbiylariga qo‘shildi va NATOning Rossiyaga qarshi mudofaa choralari doirasida harbiy mashg‘ulotlarda ishtirok etdi. Tashrif “Operation Cabrit” doirasida amalga oshirilgan bo‘lib, bu Britaniyaning NATOning Sharqiy Yevropadagi kuchlariga qo‘shgan hissasi hisoblanadi.
Shahzoda Uilyam Estoniyaning Rossiya chegarasi yaqinidagi harbiy lagerda bo‘lib, tanklar va boshqa zirhli texnikalarni boshqargan. Shuningdek, u Estoniya prezidenti Alar Karis bilan uchrashib, Estoniyaning Ukraina urushidagi roli va Yevropadagi xavfsizlik masalalarini muhokama qilgan. Bu tashrif Britaniya qirollik oilasining harbiy va diplomatik rolini mustahkamlashga qaratilgan muhim qadam sifatida baholanmoqda.
