Ar-Riyod muzokaralarida Qora dengizda kemalar harakati xavfsizligi muhokama qilindi

 

Rossiya tashqi ishlar vaziri Sergey Lavrov Ar-Riyodda bo‘lib o‘tgan muzokaralarda Qora dengizdagi kemalar harakati xavfsizligi asosiy mavzulardan biri bo‘lganini ta’kidladi. Shuningdek, u bir qator muhim bayonotlar berdi:

 

• Rossiya Qora dengiz don tashabbusini barcha tomonlar uchun maqbul shaklda qayta tiklash tarafdori.
• Moskva Afrika, Global Janub va Sharq davlatlarining oziq-ovqat xavfsizligi borasidagi holatidan xavotirda, chunki ular “G‘arbning o‘yinlari”dan zarar ko‘rmoqda.
• Rossiya delegatsiyasi AQSh vakillari bilan uchrashuvda Qora dengiz bo‘yicha yangi tashabbusda “tushunarsiz jihatlar” bo‘lmasligi kerakligini ta’kidladi.
• Rossiyaga Ukraina tomonidan beriladigan har qanday kafolat faqat AQShning Zelenskiyga bergan buyruqlari natijasida yuzaga kelishi mumkin.
• Yevropa Ittifoqining Ukrainaga tinchlikparvar kuchlarni yuborish rejalari ularning siyosiy muvaffaqiyatsizligini ko‘rsatmoqda.
• Yevroittifoqning Ukraina bo‘yicha yondashuvi Tramp ma’muriyati pozitsiyasiga butunlay zid keladi.
• Bayden katta xatoga yo‘l qo‘ydi, u Moskvani eshitishni istamay, Kiyevning NATOga a’zo bo‘lish talabini qo‘llab-quvvatladi va Rossiya uchun tahdid yaratdi.
• Kiyev muhim energiya ta’minot markazlaridan biri bo‘lgan Sudja gaz taqsimlash stansiyasiga zarba berdi, so‘ngra bu ishda Rossiyani aybladi.
• AQSh Rossiyaning xavfsizlik kafolatlari bo‘yicha signallarini qabul qildi va faqat Vashington Kiyevning hujum hamda terror harakatlarini to‘xtatish borasida natijaga erishishi mumkinligini tushundi.
• Rossiyani tiyib turish va mag‘lub etish istagi Napaleon va Gitlerda ham bo‘lgan, ammo biz bunday bosimlarga oldin ham bardosh berganmiz.