5 yil suv ostida yotgan iPad jinoyatchilarni fosh qildi
O‘g‘rilik va suiqasdga aloqador jinoyatchilar shu planshet orqali aniqlandi.
Britaniya politsiyasi Temza daryosida 5 yil davomida suv ostida qolgan Apple planshetini topib, uni jinoyat tergovida muhim dalil sifatida qo‘lladi. Ushbu kashfiyot muzeyni o‘g‘irlash, qotillikka urinish va boshqa jinoyatlarda gumon qilingan shaxslarni aniqlashga yordam berdi.
Jinoyatchilar izlarini yo‘qotish maqsadida planshetni daryoga uloqtirgan, ammo politsiya qurilmadan olingan SIM-karta ma’lumotlari orqali gumonlanuvchilarning smartfonlarini kuzatishga muvaffaq bo‘ldi. Shu tariqa, Shveytsariyada sodir bo‘lgan jinoyatlar va gumonlanuvchilarning harakatlari o‘zaro bog‘liq ekani aniqlandi.
Politsiya ushbu planshetni tergov uchun hal qiluvchi dalil sifatida baholamoqda. Jinoyatchilarning sud hukmi 2025-yil aprel oyida e’lon qilinishi kutilmoqda.
