Rossiya yangi hujumlarga tayyorgarlik ko‘rmoqda
Zelenskiy Ukrainani qo‘llab-quvvatlashga chaqirdi.
Ukraina prezidenti Parijda bo‘lib o‘tgan sammitida Rossiyaning Ukrainaga qarshi yangi hujumlarga tayyorgarlik ko‘rayotgani haqida maʼlum qildi.
“Rossiya Sumi, Xarkov va Zaporojye yo‘nalishlarida yangi hujumlarga tayyorgarlik ko‘rmoqda”, – dedi Zelenskiy Ukraina razvedka maʼlumotlariga tayanib.
Unga ko‘ra, Moskva muzokaralarni cho‘zib, AQSHni besamar va mazmunsiz muhokamalarga jalb etishga harakat qilmoqda. Zelenskiy buni Rossiyaning vaqtdan yutish va yana-da katta hududlarni bosib olish maqsadi borligi bilan izohladi.
Ukraina rahbari sammitda yevropa yetakchilarini qo‘shma harakatlar rejasini ishlab chiqishga chaqirdi.
“Bizga hamma birdek rozi bo‘ladigan va darhol amalga oshirishni boshlaydigan aniq bir reja kerak. Bu reja sizlar bilan avval muhokama qilingan va sizlar uchun amalga oshirish mumkin bo‘lgan variantlar asosida ishlab chiqilishi kerak”, – dedi Zelenskiy.
Uning fikricha, Yevropaning Ukrainani qo‘llab-quvvatlovi aniq va tizimli bo‘lishi lozim.
